“የአርቲስት ሐጫሉ ግድያ የተቀነባበረ ሴራና ሥልጣን በአቋራጭ ለማግኘት የታቀደ ነው” አቶ ሽመልስ

ኢዛ (ማክሰኞ ሰኔ ፳፫ ቀን ፳፻፲፪ ዓ.ም. June 30, 2020)፦ የአርቲስት ሐጫሉ ሁንዴሳ ግድያ የተቀነባበረ ሴራ መኾኑንና ሥልጣን በአቋራጭ ለማግኘት ያቀዱ ኃይሎች የፈጸሙት ድርጊት መኾኑን የኦሮሚያ ክልል ርዕሰ መስተዳድር አቶ ሽመልስ አብዲሳ ገለጹ። ፖሊስ በበኩሉ አቶ ጃዋር መሐመድን ጨምሮ 35 ሰዎች መታሰራቸውን ገልጿል።

ተጠርጣሪዎች ተይዘዋል

ኢዛ (ማክሰኞ ሰኔ ፳፫ ቀን ፳፻፲፪ ዓ.ም. June 30, 2020)፦ ታዋቂው የኦሮምኛ ሙዚቃ አቀንቃኝ አርቲስት ሐጫሉ ሁንዴሳ ትናንት ሰኞ ሰኔ 22 ቀን 2012 ዓ.ም. ምሽት ባልታወቁ ሰዎች በተተኮሰበት ጥይት መገደሉ ተገለጸ።

በጉዳዩ ላይ በጉባዔያቸው በኩል መግለጫ አውጥተዋል

ኢዛ (ረቡዕ ሰኔ ፲፯ ቀን ፳፻፲፪ ዓ.ም. June 24, 2020)፦ የአሜሪካ የሕዝብ ተወካዮች ምክር ቤት የጥቁር እንደራሴዎች ጉባዔ፤ በታላቁ ህዳሴ ግድብ ዙሪያ ሁሉም ባለድርሻ አካላት እንዲተባበሩ፣ ሰላማዊ ድርድሩን እንደሚደግፉና ለዚህም እንደሚተባበር አስታወቀ።

የተጠቂዎች ቁጥር አራት ሺህን ተሻገረ
ያገገሙ ሰዎች ከአንድ ሺህ በላይ ኾኗል
የሟቾች ቁጥር በሰባት ጨምሮ 72 ደርሷል

ኢዛ (ዓርብ ሰኔ ፲፪ ቀን ፳፻፲፪ ዓ.ም. June 19, 2020)፦ ለኮሮና ቫይረስ ጽኑ ሕሙማን ያግዛል የተባለውን ዴክሳሜታዞን የተባለውን መድሃኒት እንደ ድንገተኛ ሕክምና ለመጠቀም የኢትዮጵያ ጤና ሚኒስቴር መወሰኑ ተገለጸ።

ምርጫውን ለማራዘም የቀረበውን የውሳኔ ሐሳብ አጸደቀ
የውሳኔ ሐሳቡ የጸደቀው በ114 ድጋፍና በአራት ተቃውሞ ነው

ኢዛ (ረቡዕ ሰኔ ፫ ቀን ፳፻፲፪ ዓ.ም. June 10, 2020)፦ የፌዴሬሽን ምክር ቤት የኮሮና ወረርሽኝ የአገሪቱ ሥጋት ኾኖ እስከቀጠለ ድረስ፤ ሁሉም የፌዴራልና የክልል ምክር ቤቶች ሥራቸውን እንዲቀጥሉና ስድስተኛው ምርጫም ወረርሽኙ ሥጋት አለመኾኑ ከተረጋገጠ በኋላ ከዘጠኝ ወር እስከ አንድ ዓመት ባለው ጊዜ እንዲካሔድ አጸደቀ።

የሟቾች ቁጥር ወደ 32 ከፍ ብሏል

ኢዛ (ማክሰኞ ሰኔ ፪ ቀን ፳፻፲፪ ዓ.ም. June 9, 2020)፦ በኢትዮጵያ በ24 ሰዓታት ውስጥ 190 የሚኾኑ ሰዎች በቫይረሱ መያዛቸው ሪፖርት ተደረገ።

ዛሬ ማክሰኞ ሰኔ 2 ቀን 2012 ዓ.ም. ይፋ በተደረገው የጤና ሚኒስቴር ዕለታዊ ሪፖርት 4,599 የላቦራቶሪ ምርመራ ከተደረገላቸው ሰዎች 190ዎቹ በቫይረሱ መያዛቸው ታውቋል። ይህም ባለፉት ሦስት ወራት በአንድ ቀን ከፍተኛ ቁጥር የተገኘበት ዕለት አድርጎታል።

ከ190ዎቹ ውስጥ 153 የሚኾኑት የአዲስ አበባ ነዋሪዎች በመኾናቸው በአዲስ አበባ በቫይረሱ የተጠቁ ሰዎች ቁጥር ከዕለት ዕለት እየጨመረ መምጣቱን የሚያሳይ ኾኗል። በዛሬው ዕለት ቀሪዎቹ ተጠቂዎች 16 ከኦሮሚያ፣ አሥር ከአማራ፣ ሦስት ከሐረሪ፣ ሦስት ከሶማሌ፣ ሦስት ከደቡብና ሁለት ከትግራይ ክልሎች መኾናቸው ታውቋል።

ይህ በእንዲህ እንዳለ ባለፉት 24 ሰዓታት አምስት ሰዎች በቫይረሱ ተጠቅተው በመሞታቸው አጠቃላይ የሟቾች ቁጥር 32 ደርሷል። እስካሁን በኢትዮጵያ በቫይረሱ የተጠቁ ሰዎች ቁጥርም 2,336 መድረሱን ሪፖርቱ አመልክቷል።

በአንድ ቀን ውስጥ 18 ሰዎች ያገገሙ በመኾኑም፤ አጠቃላይ ያገገሙ ሰዎችን ቁጥር ወደ 379 ከፍ አድርጎታል። በኢትዮጵያ እስካሁን ምርመራ የተደረገላቸው ሰዎች ቁጥር ደግሞ 152,334 ነው። (ኢዛ)

ክልሎች በሙሉ የማዳበሪያ እዳቸውን ሲከፍሉ፤ ያልከፈለው የትግራይ ክልል ብቻ ነው

ኢዛ (ሰኞ ሰኔ ፩ ቀን ፳፻፲፪ ዓ.ም. June 8, 2020)፦ ጠቅላይ ሚኒስትር ዐቢይ አሕመድ ዛሬ ሰኞ ሰኔ 1 ቀን 2012 ዓ.ም. በሕዝብ ተወካዮች ምክር ቤት ቀርበው ከፓርላማ አባላት ለሚቀርቡ ጥያቄዎች ምላሽ ይሰጣሉ ሲባል፤ ከትግራይ ክልልና ከሕወሓት ወቅታዊ አቋም አንፃር አንድ ነገር ይነሳል ተብሎ ይጠበቅ ነበር። የሕዝብ ተወካዮች ምክር ቤት አባላትም ካቀረቡዋቸው ጥያቄዎች መካከል ይኸው ጉዳይ ተነስቷል። በሌላ አመለካከትም በክልሉ ላይ ጫና ያደርጋል ከሚል መንደርደሪያ ተነስቶ፤ የተለያዩ ኢኮኖሚያዊ ጉዳዮችም ተከታትለው የቀረቡበት ነበር።

1510 የሚኾኑት የአዲስ አበባ ነዋሪዎች ናቸው

ኢዛ (እሁድ ግንቦት ፴ ቀን ፳፻፲፪ ዓ.ም. June 7, 2020)፦ በኢትዮጵያ የመጀመሪያው የኮሮና ወረርሽኝ ተጠቂ ከተገኘ ከሁለት ቀናት በኋላ ሦስተኛ ወሩን ይይዛል። ባለፉት ሦስት ወራት ውስጥ በተለይ በግንቦት ወር የተገኙት የተጠቂዎች ቁጥር በቀዳሚዎቹ ሁለት ወራት ከተገኙት በእጅጉ በልጦ ይታያል።

በሆቴልና ቱሪዝም ቦታዎች ላይ ተጥሎ የነበረውን ቅጣት አነሳ

ኢዛ (ቅዳሜ ግንቦት ፳፱ ቀን ፳፻፲፪ ዓ.ም. June 6, 2020)፦ የአዲስ አበባ ከተማ አስተዳደር የከተማ መሬት ይዞታ ክፍያ እዳ ማቅለያ፤ እንዲሁም ከአልሚዎች ግንባታ ጋር የተያያዙ የተለያዩ የሊዝ እና የግብር ክፍያዎችን የተመለከቱ ውሳኔዎች በዛሬው ዕለት አስተላለፈ። የመሬት ይዞታ ሊዝ ክፍያ እዳ ማቅለያ እንዲሰጥም ወስኗል።

ወርቅነሽ ዲባባ የ25 ዓመት ወጣት ነበረች

ኢዛ (ማክሰኞ ግንቦት ፳፭ ቀን ፳፻፲፪ ዓ.ም. June 2, 2020)፦ በኮሮና ቫይረስ ወረርሽኝ አሳዛኝ የሚባሉ አጋጣሚዎች እየተስተናገዱ ነው። በኢትዮጵያ የቫይረሱ መከሰት ከተሰማበት ጊዜ ወዲህ አስገራሚ፣ አስጨናቂና ያልተጠበቁ ተግባራት ሲፈጸሙም ታይተዋል። በአርባ ምንጭ በቫይረሱ የተጠረጠረች የ25 ዓመት ወጣት ራስዋን ያጠፋች ሲሆን፤ በተደረገው ምርመራ ከቫይረሱ ነፃ መኾኗ ታውቋል።